Lutfi Haziri zgjidhet kryetar i degës së LDK-së edhe për një mandat 4 vjecar

Kuvendi i X-të i degës së LDK-së në Gjilan ka përfunduar zgjedhjet e brendshme në të cilin Lutfi Haziri, ish kryetar, është rizgjedhur edhe për një mandat 4 vjecar për të udhëhequr strukturën e këtij subjekti në Gjilan.

I pranishëm në këtë aktivitet ka qenë edhe kreu i LDK-së bashkë me anëtaren e kryesisë në nivel qëndrorë, Doarsa Kica Xhelili, për c’gjë Haziri ëhstë shprehur falënderus, sikurse që vlerësuar lart punimet e kuvendeve nëpër nëndegë.

“Sot nga Kuvendi XII i Degës, në kuadër të zgjedhjeve për Kuvendin X të LDK-së, mora besimin e të gjithë delegatëve për udhëheqjen e Degës në Gjilan edhe për katër vitet e ardhshme, sikurse edhe Kryesia e re. Ky Kuvend madhështor e solemn vjen pas kuvendeve të 41 nëndëgeve, në të cilat morën pjesë 3140 anëtarë, ndërkaq nga java e ardhshme do të konstituohen edhe organet e reja, përfshirë katër sekretariatet dhe 11 komisionet profesionale, të cilat do t’i kenë afro 200 profesionistë të jashtëzakonshëm”, ka nënvuzar Haziri.

“E falënderoj shumë për prezencën dhe mbështetjen, kryetarin e LDK-së, mikun tim, Lumir Abdixhiku, i cili përçoi mesazhin e madh se këtë ditë duhet ta shohim, jo si fund të procesit angazhues, por përkundrazi, si një ditë fillestare të angazhimit tonë kolektiv, që nis në Gjilan e Anamoravë dhe vazhdon në çdo cep të Kosovës, për të rikthyer dinjitetin e Republikës së Kosovës, në shpëtimin e madh kombëtar që na pret”, ka vijuar Haziri.

“Ju faleminderit të gjithëve për besimin e dhënë, burrave e grave, të rinjve e të rejave, veprimtarëve e aktivistëve, familjeve të dëshmorëve, veteranëve e invalidëve të luftës së UÇK-së, për mbështetjen e vazhdueshme ndaj meje dhe LDK-së. Do të punojmë edhe më fort që zotimet tona politike e programore t’i bëjmë detyra të përditshme në këtë pjesë të Kosovës dhe kudo që jemi bashkë në punë. Synim yni është që rreshtin e gjatë të bashkëpunëtorëve e bashkëveprimtarëve, ta shtojmë e të mobilizohemi edhe më shumë”, ka shkruar më tej i pari i degës së LDK-së në Gjilan.

Përveç ruajtjes së lirisë, pavarësisë e demokracisë së Kosovës, LDK i ka po aq të barasvlefshme marrëdhëniet speciale dhe të përjetshme me Shtetet e Bashkuara të Amerikës, ka shtuar Haziri, duke potencuar rëndësinë e fokusit të aktiviteteve në nivelin lokal, në funksion të rritjes së besimit qytetarë.

“Është detyrë dhe mision, po ashtu, që në rrafshin e buxhetit lokal të fokusohemi në problemet lokale, ta rrisim besimin se me rikthimin e LDK-së do ta zhvillojmë programin për familjet gjilanase e programet tjera zhvillimore. Është fatkeqësi e madhe që të gjitha programet për familjen e ato infrastrukturore për Gjilanin, pushteti aktual në nivel lokal dhe qendror, i ka stagnuar, i ka degraduar e stërkequr, duke mbetur aty ku i kemi lënë ne si LDK. Mund t’i vonojnë por kurrë s’mund t’i ndalni sepse kemi punuar shumë që t’i bindim qeveritë mike dhe organizatat e fuqishme financiare ndërkombëtare”, ka theksuar ne fund ai duke nënvizuar se Kryesia e re, me mandat dhe strukturë të votuar, merr mbi vete misionin e rikthimit të madh të LDK-së në Gjilan, për të vazhduar në tërë Kosovën, ngase sipas tij, “Gjilani meriton më shumë dhe më mirë!”