ATK gjobit 163 klube të natës, i bënë thirrje ndërgjegjësimi këngëtarëve të paguajnë tatimin ndaj shtetit
Përmes një video – reklame sensibilizuese, ATK i ka bërë ftesë retorike performuesve e këngëtarëve që zhvillojnë aktivitete gjatë kësaj periudhe, që të paguajnë me rregull obligimet tatimore, kur numri i ahengjeve rritet në mënyrë enorme për shkak të ardhjes së bashkëatdhetarëve.
“Me pagesat e rregullta të tatimeve, ju kontribuoni në rritjen dhe zhvillimin e shoqërisë sonë. Tatimet i financojnë shërbimet thelbësore të shtetit, si arsimin, kujdesin shëndetsorë, dhe sigurinë publike nga të cilat përfitojmë të gjithë”, thuhet në mësazh vetëdijësues.
“Pagesa e tatime gjithashtu sigurion një shoqëri të drejtë dhe të barabartë. sistemi tatimor shpërndanë barrë në aftësitë e secilit për të paguar. Duke krijuar mundësi të barabarta për të gjithë, gjithashtu ai forcon ekonominë duke mbështetur bizneset e vogla, infrastrukturën dhe krijimin e vendeve të punës”, thuhet më tej në video mesazh, duke nënvizuar si fakt se pagesa e tatimeve ndaj shtetit është një investim në të ardhmen e vet tatimpaguesve të rregullt.
Përveç apelit sensibilizues për tatimpaguesit, faqja zyrtare paraprakisht ka njoftuar për gjobitjen e një numri të madh të klubeve të natës, gjithsej 163 të tilla, për siç thuhet, kuponë fiskal.
“ATK gjobit me 163 gjoba klubet e natës. Duke pas parasysh fillimin e sezonit të verës kur shumëfishohet aktiviteti në klubet e natës, bare dhe restorante të ndryshme, Administrata Tatimore e Kosovës ka kryer aktivitete gjatë ditëve të vikendit, tek ky sektor në disa qytete të Kosovës. ATK bënë të ditur së këto inspektime janë bërë në përpjekje për të siguruar që këto biznese janë duke respektuar thirrjet ligjore për lëshim të kuponëve fiskal”, thuhet në njoftim.
“Gjatë inspektimeve, inspektorët kanë identifikuar disa raste ku klubet e natës, restoranet dhe baret e ndryshme, nuk po i respektojnë rregullat tatimore – kryesisht në lëshimin e kuponëve fiskal. Andaj, si rezultat i këtyre aktiviteteve janë vizituar 12 subjekte biznesore, tek të cilat është konstatuar se nuk kanë lëshuar kuponë fiskal pas shërbimeve të ofruara. Me këtë rast, janë lëshuar 163 gjoba në vlerë 41 mijë euro, për të cilat do të iniciohen raste penale. Këto aktivitete kanë evidentuar edhe 77 punëtorë të pa regjistruar, si dhe janë konfiskuar 7 printer jo-fiskal”, thuhet më tej në njoftim.
Ndërkohë, ATK rikujtonë të gjithë tatimpaguesit se shkeljet të tilla ligjore, ndikojnë rëndë në rritjen e ekonomisë jo-formale në treg, e cila më pas krijon pabarazi dhe konkurrencë jo të drejtë.
“Administrata Tatimore e Kosovës rikujton të gjithë personat të cilët merren me aktivitete afariste, se në bazë të legjislacionit tatimor, aty ku nuk kërkohet të lëshohet faturë tatimore, janë të obliguar që të pajisen me pajisje elektronike fiskale (PEF) / sistem fiskal (SF) dhe të lëshojnë kuponë fiskal”, përfundon njoftimi.
