U nda nga jeta krijuesi i shquar, Nikolla Spathari (1940 – 2023)
Artikull dedikus, i marrë nga faqja zyrtare e Lidhjes së Shkrimtarëve të Kosovës (LKSh-së).
Nikolla Spathari ka lindur në Malësi të Madhe më 5 dhjetor 1940. Aty mbaroi mësimet e para, kurse i vogël vjen në qytetin e Shkodrës dhe bën shkollën e mesme pedagogjike. Studimet e larta i kreu për matematikë e fizikë.
Ka botuar një varg veprash për të rritur dhe për fëmijë. Është marrë me poezi, prozë, publicistikë, studime. Është nderuar me shumë çmime letrare.
Ka qenë kryeredaktor i gazetës “Besa” në Shkodër dhe i gazetës “Pena” në Durrës. Gjithashtu ka qenë sekretar i degës së Lidhjes së Shkrimtarëve dhe Artistëve në Shkodër dhe sekretar i shoqatës atdhetare–kulturore “Kosova“. Ishte dhe kryetar i Klubit të Shkrimtarëve dhe të Artistëve të Durrësit dhe drejtor i revistës “Vegime letrare”.
Pena e shkrimtarit Nikolla Spathari artikulon botën tonë komplekse, me figura të goditura, me mendime të thella të artikuluara mjeshtërisht, me një gjuhë e mesazh inventiv, që këtë krijues e bëjnë të dashur e të nderuar në letërsinë shqipe.
Vepra e tij do të jetojë pafundësisht në arealin shqiptar, kurse emri i krijuesit tonë të shquar e mikut të shtrenjtë do të na nderojnë përjetë me vlerat autentike. (sh)
Artikulli i Plotë:
