Rritet numri i njerëzve që marrin shtetësinë gjermane
Vitin e kaluar është rritur ndjeshëm numri i njerëzve që kanë marrë shtetësi Gjermane, e që shënon numrin më të madh gjatë 20 viteve të fundit.
Në bazë të rezultateve paraprake, Zyra Federale e Statistikave njoftoi se në vitin 2022 janë regjistruar rreth 168.500 shtetas të rinj gjermanë. Kjo ishte 28 %, ose rreth 37.000 njerëz më shumë sesa një vit më parë.
Rritja më e madhe është shënuar tek sirianët, pasi 29.200 ish qytetarë të Sirisë morën pasaportën gjermane në vitin 2022. Pasojnë ukrainasit, irakianët dhe turqit.
Kushtet kryesore për marrjen e shtetësisë gjermane janë: njohja e mjaftueshme e gjuhës, të ardhura të sigurta, dhe një qëndrimi në Gjermani prej tetë vjetësh.
Siç pritet, sivjet do të miratohet Ligji i ri mbi shtetësinë, me të cilin do të lehtësohen akoma më shumë kushtet për marrjen e shtetësisë gjermane.
