Gjilan: – Drejtoria e Bujqësisë dhe Shoqata e Bletarëve, mbajnë ligjëratë profesionale nga fusha e bletarisë
Bletarët e Gjilanit dhe gjithë të interesuarit për bletari, kanë pasur rastin të mësojnë në mënyrë profesionale strategjinë e kultivimit të bletarisë, përfshirë ndikimin e bletërve në polenizimin e bimëve e veçmas boronicës; inseminimin artificial të bletës; seleksionimin natyral të Mëmave; të dhënat dhe studimet në lidhje me askosferozën si dhe luftimin e varratozës.
Kështu ka bërë të ditur Drejtoria për Bujqësi në faqen e saj në facebok, Kjo drejtori njëherit ka qenë nikoqire e kësaj ligjërate të mbajtur në Teatrin e Qytetit në Gjilan.
“Drejtoria për Bujqësi dhe Pylltari në Gjilan në bashkëpunim me Shoqatën e Bletarëve të Gjilanit sot organizoi ligjerata profesionale nga lëmia e bletarisë. Në këtë ligjeratë morën pjesë rreth 130 bletarë nga Gjilani, Kamenica, Vitia, Ferizai, Prishtina, Peja, Deqani etj. Gjithashtu ishin prezent: drejtori i Drejtorisë për Bujqësi e Pylltari në Gjilan z. Bajram Isufi, drejtori i Laboratorit për analiza në Prishtinë Beqë Hulaj, zyrtarë nga Agjencia për Ushqim dhe Veterinari etj”, thuhet në njoftimin e publikuar në faqen e Drejtorisë për Bujqësi dhe Pylltari, në facebook.
Siç është mësuar, në këtë ligjëratë kanë marrë pjesë me prezantime profesionale, Dr. Selim Dedej profesor nga Shqipëria dhe Dr. Kef Delaplane nga Gjorgjia – SHB
