Volejboll/ Caktohet orari për finalet e Kupës në të dy konkurrencat
Finalet e mëdha të Kupës së Kosovës do të zhvillohen të mërkurën e ardhshme, në të dy konkurrencat.
Në konkurrencën e meshkujve, Peja përballet me Skenderbeun me fillim nga ora 16:30, në palestrën “1 Tetori” në Prishtinë, ku do të luhet edhe finalja e femrave.
Për të arritur në finale, Peja, në gjysmëfinale kishte mposhtur Lubotenin, ndërsa Skenderbeu u tregua e fortë për G.E Therandën.
Në anën tjetër, te femrat, finalja luhet mes Dritës dhe Fer Volley me fillim nga ora 20:15. Në gjysmëfinale, Drita mposhti M-Technologien, ndërsa Fer Volley triumfoi kundër Suti Sport.
