Liderët boshnjak ftojnë prindërit që fëmijët e tyre të zhvillojnë mësimin në gjuhën amtare!
Në prag të fillimit të regjistrimit të nxënësve në klasë të parë, Këshilli Kombëtar Boshnjak bënë thirrje për krijimin e paraleleve me mësim në gjuhën bosniane (boshnjake).
Kryetarja e Këshillit Kombëtar Boshnjak, Dr. Misala Pramenkoviq u bëri thirrje grave dhe burrave boshnjakë që t’i regjistrojnë fëmijët e tyre në paralele në gjuhën e tyre amtare bosniane (boshnjake).
“T’ua bëjmë me dije lexusve se prindërit hezitojnë t’i regjitrojnë fëmijët e tyre në paralelet e ndara boshnjake nga ato serbe. Vetëm në një shkollë në Novi Pazar zhvillohet mësimi i plotë në gjuhën boshnjake. Për fat të keq edhe shumë familje shqiptare janë të detyruara ta bëjnë një gjë të tillë. Bile disa shqiptarë, ka raste se janë deklaruara edhe goran. Përndryshe Këshilli Kombëtar Goran selinë e vet e ka në Novi Pazar. Ky fakt na bënë të mendojmë, a thua kur do të vijë koha kur Këshilli Nacional i shqiptarëve në Serbi do e hap zyrën në Novi Pazar, apo në Tutin”.
“E drejta për arsimim në gjuhën amtare është e garantuar me Kushtetutën dhe ligjet e Republikës së Serbisë dhe është obligim që ta shfrytëzojmë këtë të drejtë. Gjuha është baza e identitetit të një kombi. Nëpërmjet edukimit në gjuhën boshnjake, fëmijët tanë mësojnë për kulturën, traditat dhe zakonet e tyre, rriten në individë të shëndetshëm dhe të ndërgjegjshëm që duan të vetët dhe respektojnë të tjerë”, shkruan sandzakpress.
Dr. Pramenkoviq kryetare e Këshillit Kombëtar Boshnjak u dërgoi një ftesë drejtorëve dhe mësuesve që të sigurojnë që prindërit ta realizojnë këtë të drejtë pa pengesë.
Ajo theksoi se Këshilli Kombëtar i Boshnjak do të investojë me të gjitha kapacitetet për ta bërë më të mirë dhe më të plotë procesin e mësimdhënies në gjuhën boshnjake. Regjistrimi i fëmijëve në klasën e parë të shkollës fillore, në territorin e Republikës së Serbisë, ka filluar më 1 prill dhe zgjat deri më 31 maj të vitit aktual.
