“Me deklarata, unë jom baba – unë jom nana, nuk mbahet klubi’ – Afrim Muqiqi nuk përmbahet ‘shpërthen’ me deklaratat për Munishin
Madje, ai edhe nuk është përmbajtur me deklarata për trajnerin e shkarkuar nga FC Prishtina, për të cilin ka thënë se rezultatet e tregojnë më së miri nivelin e tij si trajner.
“Me deklarata pompozitive nëpër media “unë jam baba, unë jam nana, unë jam ai.. mendoj se nuk mbahet klubi dhe rezultatet dihen si në Prishtinë, si në klubet tjera ku ka qenë. Është djalë shumë i mirë, por sa i përket marrjes së timonit të klubit të Prishtinës, besoj se ka qenë i pa duhuri dhe kështu që doli ashtu si kam thënë unë”, tha Muçiqi.
Ai tha se Munishit, por edhe trajnerëve të tjerë iu ka dhënë mundësia nga e mjaftueshme nga klubi për ta treguar veten, por që nuk kanë treguar rezultate.
“Secili trajner që ka ardhur në FC Prishtina, ka ardhur me kërkesa, ka ardhur me pompozitet dhe në fund kanë dalë të pasuksesshme, që normalisht nuk është arsye e klubit, por fatkeqësisht, ndoshta mos dija, mos përvoja. Nuk mundemi tash t’i bëjmë trajnerë me dy apo tri lojë. Mendoj që secilit prej trajnerëve iu ka jep mundësia”, tha Muçiqi.
Sipas tij, për gjendjen në të cilën ndodhet aktualisht FC Prishtina, fajin më të madh e kanë trajnerët.
