Kreu i AAK-së në Gjilan, Nazim Gagica: Çerdhen e realizuam në vitin 2021!
Kryetari i AAK-së në Gjilan Nazim Gagica, thotë se çerdhja e përuruar sot në Zhegër ka qenë projekt i realizuar në vitin 2021!
Këtë opinion Gagica e ka bërë në faqen e tij në Facebook, duke ia shtuar një video në të cilën shihet data 7 shtator 2021 e përshkruar, ndonëse nuk është bërë e qartë nëse videoja është realizuar së fundi apo daton nga periduha e përshkrimit.
“Jam shumë i lumtur që sot Ministrja e Arsimit, Arbërie Nagavci bashkë me kryetarin e Komunës, Alban Hyseni, përuruan çerdhën në Zhegër të Gjilanit, punimet e të cilës kanë përfunduar në shtator të vitit 2021. E gëzofshi çerdhen!”, ka shkruar Gagica.
Kujtojmë që kreu i degës së AAK-së në Gjilan Nazim Gagica, pwr disa vite ka qenw drejrtor i Drejtorisë Komunale të Arsimit në Gjilan.
Burime të TV Gjilani bëjnë me dije se videoja është realizuar pikërisht më datën e përshkruar në video, ndërsa vërehen edhe data e plasuar në rrjete sociale nga vet z. Gagica, e që korrespodon me periudhën e përshkruar në video.
Ajo që nuk dihet me saktësi, ka të bëjë me gjendjen e enterierit të objektit të çerdhes dhe fazës së realizimit të saj, në periudhën e apostrofuar në video nga z. Gagica, ndërkohë që vazhdimësia e projekteve infrastrukturore do t’i përcjellë të gjitha nomenklaturat, dhe çështja e meritorkracisë mbase në të ardhmen do të adresohet saktësisht e në raport të drejtë me realizimin e rrjedhës së fazave të punimeve, pasi projektet si të tilla gjithnjë do të kenë një rrjedhë kontinuele.
TV Gjilani, mëton që në vazhdimësi të sjellë gjendjen reale të projekteve në terren, për t’i adresuar saktë meritat e secilës qeverisje, ndërsa imperativ kryesor e prioritet do t’i japi cilësisë në mësim dhe ofrimit të kushteve sa më të mira për fëmijë të ciklit parashkollor e nxënësve të të gjitha niveleve.
