Tryeza letrare e “Flakës së Janarit 2023”, iu kushtua krijimtarisë letrare e atdhetare të poetit Rexhep Elmazi
Manifestimi Mbarëkombëtar i kulturës “Flaka e Janarit 2023”, ka vazhduar edhe këtë të premte, tani përmes pjesës letrare “Pena e Flakës”, që është një nga katër shtyllat kryesore e këtij manifestimi, e ku përmes një tryeze letrare, është nderuar poeti e atdhetari Rexhep Elmazi në 45 vjetorin e vrasjes së tij tinëzare nga UDB-ja serbe.
Të pranishëm në këtë ngjarje letrare ishte edhe kryetari i Komunës së Gjilanit, Alban Hyseni, drejtori i Drejtorisë së Kulturës, Kushtrim Zeqiri, familjarë të poetit, shkrimtarë e dashamirë të fjalës së shkuar dhe mysafirë të tjerë.
I pari i komunës së Gjilanit, Alban Hyseni ka thënë se për të është nderë dhe kënaqësi e veçantë që sot jemi mbledhur për të vazhduar manifestimin mbarëkombëtar “Flaka je janarit”, përmes njërës nga shtyllat më të rëndësishme të manifestimit, ku kujtojmë poetin Rexhep Elmazi.
“Figurat tona të shquara përgjatë kohës së historisë kanë rëndësi të veçantë. Ajo çfarë bëjmë në “Flakën e Janarit” është që i kujtojmë dhe i nderojmë ata përmes artit, përmes veprave të tyre, ndërkohë që një prej elementeve të veçanta, është fakti që vihen në dukje, përditë e më shumë, vlerat shumëdimensionale të veprimtarëve të kohës “, ka thënë Kryetari Hyseni.
Datë: 15.02.2023
Vendi: Salla e Kuvendit Komunal në Gjilan
Ora: 10:00
Të dashur bashkëqytetarë të Gjilanit,
Plani i Menaxhimit të Mbeturinave 2023-2027 që do t’ju prezantojmë në këtë dëgjim publik është i një rëndësie të veçantë për komunitetin e Gjilanit, i cili është dokument planifikues – strategjik, që adreson zgjidhjen e problemeve në fushën e menaxhimit të mbeturinave në nivel lokal.
Qëllimi i Planit Komunal për Menaxhimin e Mbeturinave në Komunën e Gjilanit, 2023-2027, është që të identifikoj dhe ofroj zgjidhje për problemet prioritare për menaxhimin e mbeturinave në komunën e Gjilanit, duke synuar në një menaxhim efektiv të tyre, duke i vendosur ato në agjendën e institucioneve përgjegjëse dhe duke marrë në konsideratë në mënyrë të vazhdueshme opinionin e publikut.
Kërkesat, komentet dhe sugjerimet mund t’i dërgoni në e-mail adresën: mentor.mihovci@rks-gov.net.
Mirë se vini!
Ai shtoi se, përtej shkrimtar e poet, përtej njeri i dijes e i shkencës, në këtë rast për Rexhep Elmazin, po flasim edhe për veprimtarinë e tij kombëtare atdhetare, ku gërshetojmë vlerat e shumta në një person të vetëm.
Kryetari Hyseni shtoi se është i vetëdijshëm se përmes një tryeze, një takim a një fjalim, nuk mjafton për të nderuar figura të tilla, por përkujtimi është më i rëndësishëm, ndërkaq shembulli dhe modeli që mund të ndjekim ndoshta do të ishte idealja çfarë do të mund të bënim.
Veçantit poetike të poetit Rexhep Elmazi si dhe ato atdhetare u shpërfaqën në diskutimet e folësve të kësaj tryeze, ku prof dr Anton Nikë Berisha në vështrimin e tij, duke folur për veprimtarinë e poetit, tha se Rexhep Elmazi në një kohë konkrete, diti që pikërisht asaj kohe t’i jap përmasë që e tejkalon vet kohën e tij dhe këtë përmasë të kohës së tij e dha përmes tekstit.
Mr. Arsim Halili me kumtesën e tij u ndal te “Vetmia” në poezinë e Rexhep Elmazit. “Në strukturën poetike shihet qartë ndërtimit semantikë, ku poeti ruan dy gjendje kohore dhe shpirtërore. Gjendjen fizike të perceptuar në kohë diku i rrethuar nga të tjerët, por jo edhe tani si dhe gjendjen shpirtërore, krijon një tablo të dyfishtë”, thotë Halili.
Kaltrinë Berisha, me punimin e saj elaboroi “Dhembjen” më poezinë e Rexhep Elmazit, duke thënë se poezitë e tij, gërshetohen në tema të tilla si liria e drejtësia, që në njëfarë mënyre edhe pse pikënisjen e kanë në nivelin universal, përmes ligjërimit poetik arrijnë të renditen nëpër shtresat të cilat prekin skajet e shpirtit njerëzor, botën e brendshme poetike të autorit, të zbërthyer në tema personale,…
Tryeza letrare në nderim të poetit Rexhep Elmazi u mbajt në Sallën e konferencave të Bibliotekës së Qytetit, “Fan S.Noli”, e vlen të veçohet se krahas kumtesave të lexuara, u deklamuan edhe poezi nga krijimtaria poetike e këtij shkrimtari, nga Diana Toska.
Përndryshe, “Flaka e Janarit 2023”, vazhdon tutje rrjedhën e saj me aktivitetin e radhës të Festivalit të Dramës “Talia e Flakës”, ku në program është shfaqja e natës së pestë, “Babai dhe Babai”, Teatri INTEGRA, Prishtinë.
