𝗞𝗙 𝗟𝗹𝗮𝗽𝗶 𝗲𝗱𝗵𝗲 𝘇𝘆𝗿𝘁𝗮𝗿𝗶𝘀𝗵𝘁 𝗹𝗶𝗰𝗲𝗻𝗰𝗼𝗵𝗲𝘁 𝗻𝗴𝗮 𝗨𝗘𝗙𝗔 𝗽𝗲̈𝗿 𝗽𝗷𝗲𝘀𝗲̈𝗺𝗮𝗿𝗿𝗷𝗲 𝗻𝗲̈ 𝗴𝗮𝗿𝗮𝘁 𝗲𝘃𝗿𝗼𝗽𝗶𝗮𝗻𝗲

KF Llapi njofton tifozët dhe opinionin publik se ka pranuar vendimin nga Departamenti i Licencimit pranë FFK-së për pjesëmarrje në garat e UEFA-s për sezonin 2024/25, shkruan Tv Gjilani.

Sipas vendimit, KF Llapi ka dorëzuar me kohë gjithë dokumentacionin për licencim dhe ka përmbushur gjitha kriteret e kërkuara për t’u pajisur me licencë që siguron të drejtën e garimit në garat e UEFA-s.

Ky është viti i tetë rresht që KF Llapi është renditur në mesin e klubeve të licencuara. shtohet më tej në njoftim.

“Falënderojmë administratën e klubit tonë për përgatitjen e dokumentacionit dhe punën e palodhshme gjatë kësaj periudhe. Falenderojmë edhe Departamentin e Licencimit të FFK-së për bashkëpunimin në këtë proces. Tashmë na mbetet vetëm t’i përmbushim objektivat tona në fushën e blertë dhe të kualifikohemi në garat evropiane, mision ky i nisur nga fillimi i sezonit”, shkruan faqja zyrtare e FC Llapi.