ZYRTARE/ Spanja gjen menjëherë zëvendësuesin e Luis Enrikes, ja kush është trajneri i ri i “La Rojas”
Luis Enrike nuk do të jetë më trajneri i Spanjës dhe duket se “La Rojas” e ka gjetur menjëherë zëvendësuesin e tij. Bëhet fjalë për Luis De La Fuente, i cili është zyrtarizuar vetë nga Federata Spanjolle.
61-vjeçari ka drejtuar moshat e kombëtares spanjolle, duke qenë i suksesshëm me to.
Ai ka fituar Kampionatin Europian për U-19 në vitin 2015, Kampionatin Europian për U-21 në vitin 2019 dhe medaljen e argjendtë në Lojërat Olimpike të “Tokio 2020”.
De La Fuente pritet të prezantohet ditën e hënë dhe debutimin e tij do ta bëjë në mars për kualifikueset e EURO 2024.
