Zvicër: Parashikohet rritje e pagave për vitin 2025

Pas një periudhe të gjatë me inflacion të lartë dhe rënie të fuqisë blerëse, punonjësit në Zvicër pritet të përjetojnë një rritje reale të pagave prej mesatarisht 0.7% në vitin 2025, sipas anketës vjetore të kryer nga UBS me pjesëmarrjen e afro 350 kompanive, shkruan The Local..

Kjo rritje konsiderohet një kompensim pothuajse i plotë për humbjet e fuqisë blerëse të regjistruara që nga viti 2022, duke sjellë një ndikim pozitiv jo vetëm për individët, por edhe për ekonominë në tërësi, falë konsumit të shtuar.

Sipas raportit, sektori i IT-së dhe telekomunikacionit, bashkë me industrinë e energjisë, furnizimit dhe menaxhimit të mbeturinave, prijnë me rritjen më të lartë të pagave, duke shënuar një mesatare prej 2%. Në këtë grup përfituesish renditen edhe punonjësit e industrive kimike dhe farmaceutike, ku rritja parashikohet të jetë rreth 1.7%, mbi mesataren kombëtare. /AlbInfo/