Zotimi i dytë i Bedri Hamzës: Rritja 50% e pagave për shërbyesit civilë, shpërblim për shërbimin e tyre ndaj shtetit dhe qytetarëve
Në muajt e parë të qeverisjes, pagat në sektorin publik do të rriten për 50%. Kjo rritje garanton paga të dinjitetshme për të gjithë shërbyesit civilë dhe është shpërblim i duhur për shërbimin e tyre ndaj shtetit dhe qytetarëve. Po ashtu, nuk do të tatohet asnjë pagë nën 400 euro.
Kandidati i PDK-së për Kryeministër, Bedri Hamza, ka prezantuar edhe masat që do t’i marrë në kuadër të Zotimit të Dytë të tij.
Hamza ka thënë se në muajt e parë të qeverisjes, pagat në sektorin publik do të rriten për 50%. Kjo rritje, sipas tij, garanton paga të dinjitetshme për të gjithë shërbyesit civilë dhe është shpërblim i duhur për shërbimin e tyre ndaj shtetit dhe qytetarëve.
Në zotimin e dytë, Hamza ka premtuar rritje të pagave dhe pensioneve.
“50% rritje të pagave në sektorin publik. 70% rritje të pensionit bazik. Rriten pensionet kontributdhënëse dhe përshkallëzohen sipas viteve të përvojës së punës. 50% rritje të përfitimeve për familjet e ëshmorëve, invalidët e luftës dhe veteranët”, ka shkruar Hamza.
