Zgjedhjet e parakohshme parlamentare në Kosovë – Sot dita e fundit për formimin e koalicioneve

Sot skadon afati për partitë politike të regjistruara për të njoftuar KQZ-në për pjesëmarrjen në zgjedhjet e parakohshme për Kuvendin e Kosovës, të cilat do të mbahen më 28 dhjetor 2025, përmes koalicioneve. Afati ka filluar më 24 nëntor.

Deri dje në orën 13:00, KQZ ka marrë njoftimin për dy koalicione:

PAI – PDAK – LPB, i përbërë nga Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB);

VAKAT, i përbërë nga Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV).

Koalicioni mund të formohet nga të paktën dy parti politike. Pas certifikimit, një parti nuk mund të tërhiqet nga koalicioni dhe nuk mund të marrë pjesë në zgjedhje si anëtare e një koalicioni tjetër ose si parti e veçantë.

Kujtojmë se pasditen e djeshme, edhe Partia e Drejtësisë njoftoi se do të garojë në listë me Lidhjen Demokratike të Kosovës.

Mbetet të shihet për orët e mbetura deri në fund të afatit nëse do të shtohet numri i koalicioneve, ose ne zgjedhjet e 28 dhjetorit qytetarët do të mund të votojnë vetëm për koalicionet e formuara deri më tani.