Vitia dhe niveli qendror diskutojnë për vlerësimin dhe kompensimin e dëmeve nga shiu dhe bora
Zv.Kryetari i komunës së Vitisë, Hasan Aliu i shoqëruar nga Komisioni komunal për vlerësimin e dëmeve në ekonomit familjare dhe bujqësi nga fatkeqësitë natyrore ka pritur sot në takim Komisionin qendror për vlerësimin e dëmeve nga fatkeqësitë natyrore dhe fatkeqësitë e tjera në krye me Kastriot Lajqin.
Gjatë këtij takimi ata kanë bashkëbiseduar në veçanti lidhur me vlerësimin e dëmeve në ekonomit familjare, dëmet në bujqësi dhe dëmet në biznese në territorin e komunës së Vitisë dhe mundësive të kompensimit të dëmeve të shkaktuara në veçanti nga shiu dhe bora.
Ndërkaq Sami Demelezi, kryetar i këtij komisioni nga Vitia, ka folur edhe rreth punës që ka bërë komisioni duke bërë me dije se ata kanë dorëzuar një raport tek kryetari i komunës dhe të Kuvendi Komunal i Vitisë i cili është shqyrtuar në mbledhjen e fundit. Përndryshe dy komisionet janë pajtuar që do të vazhdojnë bashkëpunimin që vlerësimi dhe kompensimi i dëmeve të bëhet konformë ligjeve të republikës së Kosovës.
