Viti: Përkujtohet dëshmori Nijazi Azemi- Komandant Mjekra
Përkujtohet dëshmori Nijazi Azemi- Komandant Mjekra.
Në përvjetorin e rënies së dëshmorit të kombit Nijazi Azemi-komandant Mjekra, Institucionet komunale të Vitisë në krye me zv. kryetarin, Hasan Aliu dhe kryesuesin e Kuvendit Komunal të Vitisë, Bekim Azizi, përfaqësues të Organizatës së Veteranëve të UÇK-së, përfaqësues nga Lugine e Preshevës dhe veteran të luftës së UÇPMB-së, Policisë së Kosovës, subjekteve politike dhe të tjerë, kanë bërë homazhe dhe kanë vënë kurora lulesh tek varri i dëshmorit.
Përndryshe për nderë të figurës dhe veprës së këtij dëshmori për disa ditë rresht, në komunën e Vitisë janë zhvilluar aktivitete të shumta kulturore e sportive në kuadër të Manifestimit “Flakadani i Karadakut 2025 ”, i cili manifestim do të përmbyllet sonte me natën finale të festivalit gjithëkombëtar të këngës dhe valles shqipe.
Gjithashtu sot do të mbahen edhe ora e madhe letrare.
