Vallja ballkanike – poezi satirike
VALLJA BALLKANIKE – poezi satirike nga Sevdail Hyseni
Mos i qofsha falë
Nxjerr Kurt e Vuçiq
Bashkë n’karikaturë.
Kësaj radhe zgjodhi
Dy liderë valltarë,
Që e bëjnë lojën
Të jetë e paparë.
Këndej nga Ballkani
Është një valle dyshe,
Për dallim nga tjerat
Me motive ndryshe.
Një hap përpara
Dy hapa mbrapa,
Nuk i bie n’fije
Të keqen, Baba!
Besa as Evropa
Me gjithë Amerikë,
Vallja ballkanike
Luhet me taktikë.
Kush e humb ritmin
Na mbetet guxhar,
Dhelprës po i digjet
Bishti si n’përrallë.
Porsa t’i merr flakë
E dini çfarë thotë?:
– Me bishtin tim
Le t’kallet kjo botë!
E bota si rrota…
Ec mbi ballkanasit,
Nis me veriorët
Sos me luginasit!
Spica Metalike
(Karikatura marrë nga Corax-i, të publikuar në gazetën vojvodinase “Danas”)
