UEFA paralajmëron Italinë: ndërhyrja politike në futboll rrezikon Euro 2032 dhe Kupat e Europës
Kreu i UEFA-s, Aleksander Ceferin, ka paralajmëruar autoritetet e futbollit italian për pasojat e mundshme të ndërhyrjes politike në këtë sektor.
Sipas raportimeve, paralajmërimi i është drejtuar presidentit të Serie A, Enzo Simonelli, në lidhje me zhvillimet e fundit që lidhen me arbitrimin dhe përzgjedhësin Rocchi.
UEFA ka bërë të qartë se çdo vendosje e Federatës Italiane të Futbollit nën administrim të veçantë nga politika do të konsiderohej shkelje e rregullave të saj, të cilat ndalojnë ndërhyrjet politike në federatat sportive.
Në këtë kontekst, Italia rrezikon seriozisht të humbasë të drejtën e organizimit të UEFA Euro 2032, një ngjarje madhore që pritej të zhvillohej në vend.
Po ashtu, sipas këtij paralajmërimi, klubet italiane mund të përballen edhe me përjashtim nga garat evropiane, duke përfshirë Kupat e Europës, çka do të kishte pasoja të mëdha për futbollin italian në arenën ndërkombëtare.
