UEFA Conference League – PLAY OFF: LEGIA – FC DRITA, 22 dhe 29 gusht 2024
Faqja zyrtare e FC Drita I ka bërë jehonë ndeshjeve të ndërsjella të fazës së Play-of të FC Drita, ndaj skuadrës Polake, Legia Varshavë.
Aty theksohet rëndësia që ka kjo ndeshje për FC Drita, pasi është hapi i fundit kualifikues në fazën e grupeve, që do të ishte sukses historik i klubit!
“Në kuadër të ndeshjeve evropiane klubi jonë do të përballet me ekipin polak Legia nga Varshava. Kjo ndeshje është e rëndësisë së vecantë sepse fituesi nga ky duel do të kualifikohet në fazën e grupeve të UEFA Conferencë League”.
“Legia është ekip i njohur për ne sepse në shtator të vitit 2020 ishim takuar për herë të parë në raundin e tretë të UEFA Europa Lague, ku për shkak të gjendjes së pandemis COVID 19, fituesi përcaktohej vetëm nga një ndeshje dhe shorti përcaktoi që ne të ishim mysafire”, shkruan faqja e FC Drita.
Më tej faqja pasqyron aspektet nga ndeshja e parë, e cila kishte përfunduar në favor të polakëve.
“Takimi ishte zhvilluar në Varshavë në stadiumin Marshall Józef Piłsudski në kohë pandemie nën masa të rrepta sigurie dhe dyert e stadiumit ishin të mbyllura për shikues. Ndeshja u mbyll me rezultat 2:0 për ekipin vendas dhe ne u eleminuam nga garat evropiane. Më pas Legia në fazën e Play-Off u eleminua nga ekipi Qarabag duke pësuar disfatë me rezultat 3:0”, vijon më tej përshkrimi nga kjo faqe.
Sipas po kësaj faqe, nga lojtarë aktual të FC Drita, vetëm portieri Faton Maloku dhe sulmuesi Almir Ajzeraj, ishin atëbotë pjesë e ekipit bazë – FC Drita – ndërsa te Legia, nga përbërja aktuale e klubit janë 5 lojtarë të asaj periudhe: Luquinhas, Wszolek, Pekhart, Jedrzejczyk, dhe Kapustka.
Sipas orarit të UEFA Konferencë League, ndeshja e parë e ndërsjellë mes dy klubeve do të zhvillohet në Varshavë të Polonisë më datë 22 gusht, ndërsa ndeshja e kthimit pas një javë, me 29 gusht në Prishtinë.
