Tri të mitura tentojnë të arratisen nga strehimorja në Lipjan
Mbrëmë në Qendrën për Punë Sociale në Lipjan, tri të mitura kanë tentuar që të arratisen.
Sipas raportit ditor, ngjarja ka ndodhur rreth orës 22:20 dhe rasti është duke u cilësuar si “Arratisje e personit të privuar nga liria, e mbetur në tentativë”.
Raporti i plotë i Policisë, pa ndërhyrje:
ARRATISJE E PERSONIT TË PRIVUAR NGA LIRIA, E MBETUR NË TENTATIVË
Lipjan 07.06.2025 – 22:20. Tri vajza të dyshuara të mitura, janë intervistuar në prezencë të punëtorëve të QPS-së dhe avokatit mbrojtës, nën dyshimin se të njëjtat kanë tentuar të arratisen nga strehimorja ku ishin të vendosura për rehabilitim. Lidhur me rastin është informuar e konsultuar edhe prokurori.
