Trajnimi falas për 1392 mësimdhënës në Gjilan drejt përfundimit
Drejtoria e Arsimit në Gjilan ka njoftuar se trajnimi për 1392 mësimdhënës, i cili ka filluar në fund të muajit maj 2025, është në fazën e fundit dhe pritet të përfundojë në fund të këtij muaji, shkruan TV Gjilani.
Përmes një njoftimi bëhet e ditur se ky trajnim, për herë të parë, po ofrohet falas për mësimdhënësit e komunës.
Ashtu siç njofton drejtoria, deri më tani janë trajnuar 45 grupe mësimdhënësish nga gjithsej 50 të planifikuara në kuadër të projektit.
Ky program synon rritjen e kapaciteteve profesionale dhe përmirësimin e cilësisë në arsim.
