Tragjedi në familjen shqiptare në SHBA, burri vret gruan dhe më pas veten
Një ngjarje e rëndë raportohet nga mediat amerikane, ku dyshohet se një krim i dyfishtë ka ndodhur në Huntertown të Indiana të SHBA, ku 49-vjeçari shqiptar, Arben Gllafce dhe bashkëshortja e tij 48-vjeçare Arjana janë gjetur të vdekur në shtëpinë e tyre.
Sipas hetuesve 49-vjeçari ka vrarë gruan e tij me armë dhe më pas është vetëvrarë. Policia mori një telefonatë nga një dëshmitar dhe kur shkoi në vendngjarje gjeti dy trupat e pajetë të çiftit.
Çifti i shqiptarëve kishin dy djem, nga të cilët njëri 24 vjeç dhe një tjetër në moshë minorene autik. Të afërmit e Arjanës në SHBA bëjnë apel për ndihmë në rrjetet sociale për të ndihmuar fëmijët. Janë të paqarta rrethanat dhe motivet e krimit, transmeton Lapsi.al.
