Tifozët e FC Ferizaji mobilizohen për takimin ndaj SC Gjilani
Skuadra e Ferizajit, e cila në sezonin vjeshtor pothuajse ishte përshëndetur me aspiratat e saj në ligën elite të Futbiollit të Kosovës, Albi Mall Superligë, veçmas për shkak të rezultateve të dobëta, në edicionin pranveror ka befasuar këndshëm me rezultatet pozitive të shënuara.
Kjo ka bërë që tifozët e zjarrtë të skuadrës, “Ujqit” ta mbështesin në mënyrë permanente drejt sukseseve të vazhdueshme që e kanë përcjellur gjatë kësja periudhe.
Shih për këtë, ultrasit e skuadrës kanë ftuar masivisht tifozët e lagjeve të qytetit e më gjërë që të jenë në numër sa më të madh të dielën në shkallët e stadiumit, në mbështetje të skuadrës së tyre, pikërisht në ballafaqim me SC Gjilani”.
“Të dielën klubi ynë i zemrës, FC Ferizaj zhvillon ndeshjen e rradhes ndaj Gjilanit, djelmoshat tanë kan nevojë për mbështetjen tonë. Andaj ne do të jemi aty, si gjithmon sepse vetëm të bashkuar mund të arrijmë suksese. Kanë mbetur edhe 9 ndeshje deri në fund, andaj tani duhet të mobilizohemi i gjithë qyteti që të jemi në mbështetje të djelmoshave tanë. Ftohen çdo lagje e çdo mahallë e qytetit, që të dielën të jenë prezent në stadion. T’i japim mbështetje klubit tonë drejtë fitores. Ujqit mbledhen në ora 14:00 para stadionit të qytetit”, thuhet në thirrjen publike të tifozërisë, publikuar në faqen e tyre në Facebook.
