Të dielën mot me vranësira dhe intervale me diell, temperaturat shënojnë ngritje
Mëngjesi me vranësira më të dendura në Rrafshin e Kosovës, pasdite kthjellime në pjesën më të madhe të vendit.
GJILAN – Sipas MeteoKosova, e diela në Kosovë pritet të jetë me mot të ndryshueshëm, me vranësira dhe intervale me diell.
Gjatë orëve të mëngjesit parashikohen vranësira të shpeshta, ndërsa vranësirat më të shtuara pritet të jenë në Rrafshin e Kosovës.
Në orët e pasdites, vranësirat do tërhiqen në pjesën më të madhe të vendit dhe do të ketë më shumë kthjellime.
Era do të fryjë nga drejtime të ndryshme me shpejtësi prej 10 deri në 28 km/h.
Sa i përket temperaturave, ato shënojnë ngritje të lehtë.
Minimalet do të lëvizin nga 4°C deri në 7°C, ndërsa maksimalet pritet të jenë nga 15°C deri në 18°C.
