Futboll: Tabela në Albi Mall Superligë, FC Drita rikthehet në vendin e tretë
Kjo është situata aktuale në tabelën e Albi Mall Superligës së Kosovës në Futboll, kur ka mbetur edhe një xhiro deri te cikli i parë i raundit të parë të edicionit vjeshtor.
Lider në tabelë është kampioni në fuqi, FC Ballkani, me 19 pikë nga 7 ndeshje të zhvilluara.
Llapi ka 16 pikë të tubuara nga 8 ndeshje sa ka zhvilluar, prej të cilave ka fituar 5 herë, 1 ndeshje ka remizuar dhe 2 herë ka pësuar!
Drita është e treta në tabelë me 15 pikë, 9 nga të cilat i ka fituar në tri xhirot e fundit.
Renditjen në tabelë e pasojnë Malisheva në vendin e katërt me 12 pikë, Prishtina në pozitën e pestë me 10 pikë e Dukagjini në vendin e 6 me 8 pikë.
SC Gjilani është në vendin e 7-të me poaq pikë, sa ka edhe Ferronikeli në vendin e tetë.
Renditja tabelare pasohet me skuadrën e Lirisë që ka tubuar 6 pikë nga 8 ndeshje të zhvilluara, gjegjësisht me 1 fitore e 3 barazime dhe 4 disfata, ndërsa në fund të tabelës është Fushë Kosova e vetmuar, e cila ka arritur të inkasoj vetëm një pikë nga një barazim, pa asnjë fitore e me 5 disfata të pësuara.
