Spitali i Përgjithshëm i Gjilanit publikon të dhëna nga Reparti i Psikiatrisë dhe Ambulanca Specialistike për periudhën Janar – Shtator 2024
Me rastin e Ditës Ndërkombëtare të Shëndetit Mendor më 10 tetor 2024, Spitali i Përgjithshëm i Gjilanit ndan me publikun disa të dhëna të rëndësishme nga Reparti i Psikiatrisë dhe Ambulanca Specialistike për periudhën Janar – Shtator 2024.
Gjatë kësaj periudhe:
• 130 pacientë janë hospitalizuar, me një mesatare të kohëzgjatjes së hospitalizimit prej 3 javësh.
• Ambulanca Specialistike ka ofruar 4,000 vizita për pacientët që kërkojnë kujdes ambulator.
Shërbimet tona mbështeten nga një ekip i përkushtuar i përbërë nga 3 mjekë psikiatër, 1 mjek specializant, dhe një psikologe, të cilët çdo ditë kontribuojnë për përmirësimin e mirëqenies mendore të pacientëve tanë.
Në këtë ditë, duam të theksojmë rëndësinë e shëndetit mendor dhe të kujtojmë se mbështetja dhe kujdesi për të janë thelbësore për një jetë të plotë dhe të shëndetshme.
