Sonte (E shtunë), akti i katërt i përballjes Ylli – Peja
Sonte do të zhvillohet ndeshja e katërt gjysmëfinale në “Play-off”-in e Prince Caffe Superligës së Kosovës në basketboll.
Golden Eagle Ylli, në Suharekë, e pret Pejën. Suharekasit kanë shënuar fitore në përballjen e tretë, duke u rikthyer në lojë për kalimin në finale.
Aktualisht rezultati pas tre ndeshjeve është 2-1 në favor të pejanëve. Nëse Peja shënon fitore, kalon direkt në finale kurse në rast të fitores së Yllit atëherë finalisti do të vendoset në ndeshjen e pestë.
Golden Eagle Ylli – Peja, fillon në ora 20:30.
