Skuadra e Istogut e fiton Kupën e Kosovës në hendboll për femra
Istogu në konkurrencën e femrave ka fituar Kupën e Kosovës në hedboll.
Kjo pasi në ndeshjen e fundit të turneut Final 4 ka mposhtur Ferizajn me rezultat 32-28.
Kjo ka ndodhur në një ndeshje dramatike, ku diferenca e pikëve shpesh ka qenë më e madhe se sa katër pikë.
Salemateu Camara e Ferizajt është shpallur lojtarja më e vlefshme (MVP) e turneut.
Deri tek kupa Istogu ka arritur pasi paraprakisht ka mundur Vushtrrinë në një përballje të ngushtë 31-30, ndërsa hendbollistet e Ferizajt, kanë prekur finalen pasi më herët kanë mposhtur Samadrexhën.
Në anën tjetër, sonte në orën 20:00, do të luhet finalja e Kupës së Kosovës në hendboll për meshkuj, ku do të përballen Kastrioti dhe Besa Famgas.
