Skandal në Pogradec, dalin pamjet kur polici godet qytetarin në hyrje të banesës
Një oficer policie i identifikuar si Gj.R., ka dhunuar një qytetar duke e goditur me shpulla në ambientet e një pallati në Pogradec.
E gjithë skena është e filmuar nga kamerat e një banese. Siç duket dhe në pamje, polici ka goditur të riun e identifkuar si E.N. për arsye që ende nuk dihen.
Ndërsa nga ana e policisë nuk jepen të dhëna mbi rastin. Mësohet se drejtoria e përgjithshme e ka pezulluar fillimisht policin, i cili punonte më parë në Pogradec, ndërsa tashmë është në Drejtorinë Vendore të Policisë të Korçës.
