Silvana Begaj: “viti sjell ‘365 faqe’ të bardha libri, të cilat u përket juve t’i shkruani!… “
Silvana Begaj tashmë është shëndrruar në një figurë të veçantë të diasporës së madhe e të pafund shqiptare!
Përkundër veprimtarisë së saj në botën e jashtme – Suedi, Silvana sa e sa herë ka vendosur fatin e atdheut të saj në plan të parë, duke shfaqur brengosjen e thellë për të ardhmen emancipuese, politike, ekonomike, sociale e kulturore të vet Shqipërisë dhe mbarë shqiptarisë.
Në vigjilie të Vitit të Ri 2023, ajo nuk denjoi që të uroj në gjuhën e saj, popullin e saj, miqtë e të afërmit, me të cilët duket se e ndanë fatin e përhershëm e përjetshëm, pavarsisht distancës.
Ky është Urimi karizmatik i personazhit skeptik të mërgatës, për fatin e atdheut e individit, Silvana Begaj, simbolika e retorikës së saj e transformuar në ‘kopertina libri’, na vjen si lajtmotiv, dhe ka një aluzion: Ai (Libri – 365 ditë), bashkë me faqet e tij – është i bardhë fillimisht në kopertina, sikurse që janë të bardha faqet, porse gjatë shkrimit të realitetit të jetuar e vepruar në përditshmëri, me veprime vetanake e kolektive, u takon t’i shkruani ato ashtu si janë, me ngjyrë të bardhë siç e nisim vitin (librin), apo t’i “njollosni” e “shkarravisim” me ngjyrë të dhunës, urrejtjes, prapësive apo ligësive që mund t’i bëjë njeriu-njeriut në përditshmërinë ditore, javore, mujore apo edhe vjetore!
Ky është mesazhi i individit, i vet Silvanes, i cili njëherit është edhe universal, për një jetë e një botë më të mirë, duke e përmirsuar e korrigjuar veten secili, kudo që ndodhet!
“Viti sjell 365 faqe të bardha – libri ku ju takon ‘Ju’ të shkruani historinë me emocione, lumturi dhe dashuri. Gezuar 2023! Qoftë vit i mbarë për ju dhe gjithë njerëzit tuaj të dashur.”
Me dashuri, S. Begaj
