Shoqata e Bankave shënon 20-vjetorin e themelimit – sistemi bankar vlerësohet pozitiv
Shoqata e Bankave të Kosovës (ShBK) ka mbajtur konferencë me rastin e 20-vjetorit të themelimit me temën “Përshpejtimi dhe nxitja drejt një të ardhmeje më të qëndrueshme për Kosovën: Roli i bankave dhe financimit”.
Petrit Balija, kryeshef i ShBK-së, duke folur për rrugëtimin e shoqatës tha se në këto 20 vjet ka pasur i kanë mbështetur bankat anëtare.
Në fillim tha se është punuar me kushtet modeste, por ndërvite kanë shënuar suksese të mëdha.
“Shoqata po shënon 20-vjetorin e saj të themelimit. Në këtë fazë fillon të kristalizohet një botëkuptim më i thellë. Është themeluar në vitin 2002, ka filluar në kushte shumë modeste, por ndërvite ka shënuar suksese”.
“Në këto 20 vite ka arritur të pozicionohet për t’i mbështetur bankat në rrugëtimin e tyre. Është kënaqësi që sot në konferencë janë personalitete kryesore që kanë kontribuuar. Duke qenë së është 20 vjetori dua t’i falënderoj anëtarët e bankave”, tha ai.
Albert Lumezi, kryetar i Bordit të Drejtorëve në ShBK, tha se në këto vite është krijua një sistem bankar stabil, duke shtuar se kjo shoqatë ka mbrojtur sektorin bankarë.
Ai po ashtu tha së në këto kohë krize bankat i kanë rezistuat rreziqeve.
“Është një nderë dhe moment i veçantë, të bëjë hapjen e kësaj konference. Përgjatë 20 viteve kemi arritur të ndërtojmë një sistem bankar stabil. Sektori bankar ka ndërmarr hapa efektiv që nga fillimi i saj”.
“Që nga themelimi Shoqata ka pasur sukses në avokim dhe mbrojtje të sektorit bankarë. Platforma që shoqata ka ofruara ka bërë që bankat anëtarë të kenë mundësi të adresojnë çështje të caktuara në interes të sektorit”, tha ai.
Fehmi Mehmeti, guvernator i Bankës Qendrore të Kosovës (BQK) tha se për bankat në vend si shkak i krizave, kanë pasur kohë të vështira.
Por sipas tij, me masat që ka ndërmarr Banka Qendrore, krizat i kanë kaluar pa pasoja.
“Si në gjithë botën edhe në Kosovë vitet e fundit kanë qenë të vështira. Kemi arrit që pandeminë dhe krizën e fundit ta kalojmë me pasoja minimale. Edhe masat që kemi ne si Bakë Qendrore ndërmarrë janë treguar shumë efektive për ekonomin e vendit”.
“Kjo qasje ka bërë që sektori bankar të kaloj këto kriza pa pasoja të rënda. Në periudhën më të rëndë kreditimi nuk është ndalur dhe me të dhënat e fundit që kemi vlera e kredive ka arritur në 4.2 miliardë euro, që paraqet një rritje vjetore prej 18.5 për qind” tha ai.
Ministrja e Tregëtisë dhe Industrisë Rozeta Hajdari tha se kjo shoqatë ka një rol shumë të rëndësishëm për zhvillimin e sektorit privat.
“Në emër të Qeverisi ju dëshirojmë shumë suksese në këtë përvjetor, që keni një rol shumë të rëndësishëm për zhvillimin e sektorit privat”.
“Unë vij të i’u jap porosinë për nevojën për një sektor te qëndrueshëm bankar që ka shumë rëndësi për zhvillim të industrisë tonë, sepse industria është ajo që sjell zhvillim ekonomik, punë e drejtësi. Kompanitë e vogla dhe të mesëm janë 90 për qind në Kosovë, ne kemi mundësi për më shumë prodhime si shoqëri”.
Suat Bakkal, nënkryetar i Bordit të Drejtorëve, tha se në këtë kohë të vështir inflacioni ka arritur në 10 për qind dhe se pritet të ketë një krizë më të madhe ekonomike.
“Siç e dimë periudha pas pandemisë, pra sfida më e madhe ishtë inflacion dhe në gjitha ekonomit shohim shtim të inflacionit. Grafika e tregon inflacioni në Evropë 1 deri në 2 për qind, e tash mundë të shohim se inflacioni ka shkuar deri në 10 për qind, e përzgjodha Evropës sepse Kosova është pjesë e Evropës dhe ka ndikim ekonomia e Evropës në inflacion”.
“Kjo ka ndikuar në rritjen e çmimeve pritet edhe rritje me e madhe. Në këtë kohë njerëzit kanë më pake të ardhurat dhe pritet një krizë më e madhe”.
