Shkruan: Nexhat Buzuku – Në gazetari lajmi i vjetër është lajm i vdekur
Në ç’nivel janë katandisur disa media? – Ja çfarë lajmi qarkulloi sot tërë ditën?
“Burrin e Sh.F. e goditi vetura”, “H.B., bashkëshorti i Sh.F., u godit nga vetura”, “burri i Sh.F. u shtrue në spital”, “bashkëshorti i Sh.F. është në spital, jashtë rrezikut për jetë”, etj.
Shkruan: Nexhat Buzuku, gazetar, publicist
Lajmi i përsëritur disa herë është shqetësues për individin dhe familjen.
Sepse, lakimi i këtij lajmi disa herë, u bē i mërzitshëm dhe irritues.
E çka ka lidhje burri i kujt është?
Athue burri i dikujt ka vlerë më shumë se cilido burrë, grua apo fëmijë tjetër i këtij vendi?!
Një rast e bëjnë lajm dhe pastaj prej tij nxjerrin copëza “lajmesh” bajate, e endin tërë ditën nëpër media me një titull!
Lajmi gjithonë ka një fjali kryesore, sipërore, dhe nëse përsëritet disa herë nuk është lajm.
Lajmi i njejtë nuk mund të “shitet” për lajm të ri disa herë.
Lajmi i përsëritur disa herē nuk ēshtë lajm, ai quhet lajm i vdekur, sikur t’i quash thërrimet (thërrmiat) e bukës, bukë!
Njeriut tē vdekur tashmë s’mund t’i thuash njeri i gjallē.
Pra, lajmi i vjetër është lajm i vdekur!
E keqja është se kemi media por s’kemi gazetari!
Dallimi midis gazetarit dhe të bërit gazetari të paanshme, objektive, profesionale dhe të respektosh maksimalisht etikën e gazetarisë, duke mos cenuar asnjëherë jetën personale e familjare të njerëzve -privatësinë, është i madh.
Gazetaria, fatkeqësisht, ka degraduar sikur edhe çdo segment tjetër i shoqërisë.
Media (gazetari) nuk ka të drejtë (është shkelje e kodit gazetaresk) t’i futet te hunda qytetarit për deklaratë, opinion ose prononcim.
Është e papranueshme të prezantohet fotografia e kujtdoqoftē pa lejen e personit.
Vendos qytetari nëse do të prononcohet për diçka apo jo, dhe nuk është media -gazetari që e detyron tē deklarohet.
Media (gazetari) nuk ka të drejtë t’i futet dikujt nē oborr, te dera e shtëpisë apo në zyrë pa paralajmërim e pa miratim të qytetarit.
Etj, etj.
Gazetarët pa përvojē e të palexuar duhet të lexojnë më shumë në fushën e zanatit tē gazetarisë, dhe tē mos i torturojnë qytetarët me joprofesionalizmin e tyre.
Gazetari ështē sikur çdo qytetar tjetër, por përgjegjësia e tij profesionale është
shumë e madhe që të mos bëjë gabime nē raport me qytetarët.
——
P.s.- Me u marr me gazetari nuk mjafton shkrim-leximi, duhet prirje, aftësi, shkathtësi, guxim profesional, dije dhe mençuri logjike (format dhe rregullat e mendimit logjik; emërtimi, përshkrimi dhe shpjegimi; argumentimi dhe përgënjeshtrimi…).
—-
Fotot për gazetarët fillestarë dhe ambiciozët e këtij zanati.
