Shkolla “Zenel Hajdini” në Gjilan, përfiton pajisje teknologjike për implementimin e projektit “PodCast”
Shkolla e Mesme e Lartë “Zenel Hajdini” në Gjilan, ka përfituar një donacion specifik, pajisje zërimi, nga IPKO Foundation – mbështetur nga UNICEF Kosovo Program.
Në njoftimin e shkollës thuhet se projekti parasheh realizimin e një sërë aktivitetesh, gjegjësisht realizimin e ideve strategjike nga një punëtori paraprake me UPSHIIFT – implementimin e ideve për muajt në vijim nga nxënësit.
“Jemi të lumtur që sot në shkollë pranuam paisjet e zërimit për implementimin e projektit të grupës fituese e përbërë nga: Elona Jusufi, Edrena Maliqi, Dior Sherifi, Lenda Veseli, pjesëmarrës në puntorinë UPSHIFT e realizuar më: 24, 25, 26 Maj, 2024, me ndihmën e të cilave do të implementojnë idenë për 3 muajt e ardhshëm në shumë aktivitete:”
- Podcast I: do të realizohet me dy grupet fituese në up-shift, të shkollës sonë. Ndarja e përvojave të tyre të cilat do të shërbejnë si model për të tjerët.
- Podcast II: fillimi i një viti të mbarë shkollor, diskutim rreth detyrave dhe përgjegjësive si nxënës.
- Podcast III: shëndeti mendor i rëndësishëm po aq sa edhe shëndeti fizik, po ashtu roli kyç i nxënësve në promovim të ruajtjes së tij.
- Podcast IV: intervistë me njërin nga shumë personalitetet që tani janë me ndikim në fusha të ndryshme, si ish nxënës të shkollës sonë, me qëllim të motivimit të nxënësve, varësisht preferencave të tyre, do të zgjedhet njëri që ka sukses në fushën e artit, politikës, aktivizmit për të drejta të njeriut etj.
- Podcast V: rëndësia e funksionalizimit të klubeve brenda shkollës, e sidomos të klubit për zhvillimin e mendimit kritik i cili kish me shërby në trajtim të temave me interes për moshatarët për qështje aktuale tek të rinjët.
- Podcast VI: rëndësia e bashkëpunimit me nxënës të shkollave të tjera, ndarja e përvojave dhe mundësia e bashkëpunimit me këshillin e nxënësve në nivel komunal. Diskutim rreth rolit të tyre dhe avokimit për qështje me interes të nxënësve.
Ky projekt mundësohet nga IPKO Foundation dhe mbështetet nga UNICEF Kosovo Programme.
