Sa vite i duhen Kosovës që ta arrijë standardin e jetesës së vendeve të BE-së?
Sipas BERZh-it, vendeve të Ballkanit Perëndimor, ku përfshihet edhe Kosova, ju duhen nga 40 deri në 200 vite të arrijnë mesataren e Bruto Produktit Vendor për kokë banori të BE-së.
Sipas FMN-së mesatarja e të ardhurave për kokë banori në vendet e Bashkimit Evropian është 35 mijë e 800 dollarë, kurse në Kosovë – 4 mijë e 442 dollarë.
Paralelisht me këtë, Banka Botërore ka konstatuar se bizneset e rajonit humbasin afërsisht 26 milionë orë pritje në vit në pikë-kalimet kufitare brenda Ballkanit. Vonesat në kufi janë 5 herë më të gjata se në BE.
Këto janë disa nga arsyet pse BE-ja ka inkurajuar vendet e Ballkanit që të rrisin bashkëpunimin rajonal dhe të krijojnë atë që quhet Tregu i Përbashkët Rajonal.
