Rrjedha e punimeve në Stadiumin e KF Kika nga Hogoshti – rikthehet simboli i futbollit të Anamoravës
- Vazhdojnë punimet për stadiumin historik të Hogoshtit – njofton MKRS, ndërsa në koment shih pamjet nga ndeshja Kika – Prishtina më 1996
Rrjedha e punimeve për stadiumin historik të Hogoshtit – rikthehet simboli i futbollit të Anamoravës.
Kur bëhet fjalë për futbollin dhe historinë e këtij sporti në Anamoravë, Hogoshti ëhstë një emër fshati – Toponim – që është më shumë sesa vetëm një emër i përvetshëm fshati, e që bie në territorin administrativ të Komunës së Kamenicës, por një fshat që ka një hisotir të lavdishme të kontinuitetetit 50-vjecar të futbollit si sporti më i popullarizuar në kosovë e mbarë botën.
Madje, përvec tjerash, ky fshat dhe klubi I Futbollit Kika shquhet për tifozërinë e zjarrtë që e ka karakterizuar një periudhë të gjatë, gjatë rrjedhës së kontinuitetit të klubit nga fillimi deri më sot, duke bërë gara fillimisht në të ashtuquajturën Liga Ndërkomunale Futbollistike e Gjilanit – viteve 70-të e 80-të të shek. Kaluar, për t’u avancuar më pas në rangun më të lartë të garave viteve 90-të, në ligën e parë të Futbolit të Kosovës.
Para çlirimit, KF Kika ishte një nga skuadrat më të spikatur të futbollit kosovar. Ekipi nga kjo anë e largët lindore e Kosovës dy herë u shpall nënkampion i vendit, ndërsa ndeshjet në fushën e tyre të improvizuar tërhiqnin mijëra tifozë, pavarësisht kushteve dhe sfidave të kohës.
Një prej ndeshjeve më të famshme dhe më dramatike të historisë së saj ishte ajo kundër Prishtinës, në vjeshtën e vitit 1996 – një përballje që ende kujtohet për intensitetin dhe atmosferën e saj.
Ministria e Kulturës, Rinisë dhe Sportit ka ndarë së fundmi pamje nga punimet në vazhdim, duke konfirmuar përkushtimin për realizimin e këtij projekti të rëndësishëm:
“Vazhdojnë punimet në ndërtimin e stadiumit historik të KF Kika në Hogosht, Kamenicë. Ky investim i rëndësishëm sportiv po ecën me ritme të shpejta dhe është drejt finalizimit të fazës së parë të punimeve.
Stadiumi i ri do t’i ofrojë komunës së Kamenicës një hapësirë moderne për zhvillimin e sportit dhe aktiviteteve, duke krijuar kushte më të mira për të rinjtë dhe sportistët e vendit.
Me vendosmëri po e jetësojmë planin pesëvjeçar për konsolidimin e infrastrukturës së futbollit.”
Me përfundimin e këtij projekti, Hogoshti pritet të rikthehet në hartën e rëndësishme të futbollit vendor, duke i dhënë një shtysë të re sportit në këtë rajon me traditë të pasur.
