Rreth 732.000 euro për shqiptarët e Luginës nga Qeveria e Kosovës
Qeveria e Kosovës në mbledhjen e sotme ka aprovuar kërkesën e Këshillit Kombëtar Shqiptar e cila vie nga vendimi për ndarjen e mjeteve për studentë dhe familje me 3 e më tepër nxënës në procesin mësimor.
Vlera totale e shumës së aprovuar është 731.916 euro.
Përveç falenderimeve, kryetari i KKSH, Nevzad Lutfiu, ka sqaruar se si do të bëhet ndarja e mjeteve.
1234 familje shqiptare do të përfitojnë.
500 euro do t’i ndahen studentëve të vitit të parë.
600 euro studentëve me notë mesatare nga 6 deri 8.
700 euro studentëve me notë mesatare nga 8 deri 10.
500 euro do t’i përfitoj secila familje shqiptare e vendit tonë që i ka 3 fëmijë në procesin edukativo-arsimor dhe nxënësit pa asnjë prind ose vetëm me një prind(prindi/ërit i/e të cilëve kanë vdekur).
