Roma vuan, por një gol i minutës së fundit i sjell tre pikët ndaj Monzës
Roma ka marrë fitore me shumë vuajtje ndaj Monzës me rezultat minimal 1-0.
Për të parë rastin e parë në ndeshje, tifozët u desh të prisnin minutën e 37-të kur Houssem Aouar goditi, por pa sukses.
Vetëm tre minuta më vonë, Monza mbeti me një futbollist më pak në fushë pasi Danilo D’Ambrosio u ndëshkua me kartonin e dytë të verdhë dhe u skuq.
Pjesa e parë përfundoi me rezultatin baras 0-0.
Inizia il secondo tempo.
— AS Roma (@OfficialASRoma) October 22, 2023
FORZA ROMA! 🟡🔴#RomaMonza pic.twitter.com/oqlFF2Ti7Z
Në pjesën e dytë Roma shtoi trysninë në drejtim të portës mysafire duke kërkuar me çdo kusht fitoren.
Romelu Lukaku pati rast të mirë shënimi, por që goditja e tij u bllokua.
Sulmuesi iranian Sardar Azmoun goditi shtyllën tre minuta para fundit të ndeshjes.
Ndërkohë për të sjell gëzim të jashtëzakonshëm në Olimpico u përkujdes Stephan El Shaarawy në minutën e 90-të.
Reprezentuesi italian pranoi një top në zonë pas një tollovie dhe me një goditje të fuqishme realizoi për 1-0.
SEEEEEEEEEEEEEEE STEPHAN! SEEEEEEEEEEEEEEE!
— AS Roma (@OfficialASRoma) October 22, 2023
EL SHAARAWY! al 90'#RomaMonza 1-0 pic.twitter.com/pzog9B3Mvx
Deri në fund Roma u mbrojt mirë dhe ndali tre pikët në Olimpico.
Me këtë fitore Giallorosët ngritën në pozitën e gjashtë në tabelë me 14 pikë, tetë më pak se lideri Interi.
Ndeshjen e ardhshme Roma e luan në udhëtim te Interi, derisa Monza pret Udinesen.
Il Faraaaaone El Shaarawy qui vient délivrer le peuple romain sur une sublime reprise ! 🟠🔴 #RomaMonzapic.twitter.com/m2QuMTmw9K
— Actualité – Serie A (@ActualiteSerieA) October 22, 2023
