Rasti në Banjskë të Zveçanit: – polici i plagosur është nga Velekinca e Gjilanit, regon kryetari, Alban Hyseni
Polici i plagosur në ngjarjen e sotme në Basnjskë të Zveçanit mësohet se është nga Komuna e Gjilanit, saktësisht nga fshati Velekincë.
Siç bëhet e ditur, ai është Alban Rashiti i cili ka kryer intervenimin në spital dhe është jashtë rrezikut për jetë
Lidhur me rastin ka reaguar kryetari i Komunës së Gjilanit, Alban Hyseni. Ai përmes faqes së tij ka dënuar sulmin terrorist e kriminal, ndërsa ka shprehur pezmin lidhur me rastin, ku mbeti i vrarë një polic, si dhe i plagosur një polic tjetër, i cili mësohet se është nga Komuna e Gjilanit, saktësisht nga fshati Velekincë.
Reagimi i plotë i kryetarit të Komunës së Gjilanit, Alban Hyseni
Të dashur qytetarë,
Pas sulmit në orët e hershme të mëngjesit në fshatin Banjskë të Zveçanit, është vrarë një polic i Kosovës dhe një tjetër është plagosur.
Sulmi terrorist e kriminal duhet të dënohet. Beogradi zyrtar, duke mbështetur sulmin kriminal e terrorist, po sulmon Kosovën.
Nga Velekinca e Gjilanit kemi edhe një polic të plagosur, Alban Rashiti, i cili tashmë ka kryer intervenimin me sukses dhe është jashtë rrezikut për jetë.
Ngushëllime familjes dhe të gjithë qytetarëve për policin tonë të vrarë. Shërim të shpejtë e të plotë policit të plagosur.
