Rashiti: “Me inate politike, destruktivitet dhe me tendenca negative nuk qeveriset komuna”
Kreu i degës së PDK-së në Gjilan, Riad Rashiti, ka vazhduar me kritika ndaj qeverisjes komunale. Përmes rrjeteve soiale ai ka bërë përgjegjësi kryetarin Hyseni, për të cilin ka thënë se nuk po arrinë të funskionalizojë punën e kuvendit, si rrjedhojë e inateve politike, me partitë e bllokut opozitarë, që në esencë përbëjnë shumicën në Kuvendin e Komunës.
“Mbi 2.5 milion euro të bllokuara si pasojë e mosfunksionimit të punës së Kuvendit Komunal në Gjilan.
Papërgjegjësia institucionale e pushtetit të VV-së në Gjilan, inatet politike dhe problemet e jashtëzakonshme të krijuara nga kryetari i komunës, ka bërë që gjithçka të bllokohet në projektet e planifikuara në këtë vit”.
Rashiti më tej ka kritikuar kryetarin e komunës, për si ka thënë, qasje destructive e mospjesëmarrje në seanca të kuvendit.
“Qasja destruktive e kryetarit të komunës dhe mospjesmarrja e tij në seancat e Kuvendit Komunal dhe tendenca e tij për ta fajësuar opozitën për mosmbajtjen e seancave, ka bërë që mbi 2.5 milion euro të bartura nga buxheti i vitit të kaluar, ende nuk janë destinuar për dhjetëra projektet e planifikuara të këtij viti, ndërsa veç po kalon gjysma e vitit kalenderik”.
“Manipulimi publik është bërë instrument i qeverisjes së VV-së në Gjilan. Mostransparenca ndaj publikut e ka vlerësuar Gjilanin të fundit prej komunave të Kosovës_, ka shtuar Rashiti.
Sipas Rashititi, “PDK kërkon reflektim nga i pari i komunës, që të lërë inatet politike dhe të bashkëpunojë me përfaqësuesit e qytetarëve në Kuvendin Komunal, ngase sipas tij, qytetarët e Gjilanit nuk janë fajtorë dhe nuk duhet të pësojnë për shkak të, sic shprehet decidivisht, tekeve të tij si kryetar komune”.”
Puna ligjore, bashkëpunimi dhe transparenca janë qelësi i ecjes para të projekteve dhe planifikimeve tjera për komunën tone, ka përfudnuar Rashiti në profilin e tij në facebook.
