PDK dega Gjilan: “Sakrifica e Kadri Zekës dhe e vëllezërve Gërvalla për lirinë e Kosovës mbetet një nga kapitujt më të ndritshëm të historisë sonë të re”
PDK – Dega në Gjilan përkujton heroin e kombit Kadri Zeka në 44-vjetorin e vrasjes së tij, së bashku me vëllezërit Gërvalla – Jusuf dhe Bardhosh Gërvalla, martirë të çështjes kombëtare.
Me këtë rast, përfaqësues të PDK-së në Gjilan bënë homazhe dhe vendosën lule pranë varrit të heroit Kadri Zeka, si dhe pranë shtatorës së tij, duke nderuar jetën dhe veprën e këtyre figurave të shquara të rezistencës kombëtare. Sakrifica e Kadri Zekës dhe e vëllezërve Gërvalla për lirinë e Kosovës mbetet një nga kapitujt më të ndritshëm të historisë sonë të re.
Figura e Kadri Zekës dhe e vëllezërve Gërvalla mbetet frymëzim i vazhdueshëm për brezat e sotëm dhe të ardhshëm, në përpjekjet për ndërtimin e një shoqërie të drejtë, demokratike dhe me vlera kombëtare.
Lavdi jetës dhe veprës së heronjve Kadri Zeka, Jusuf dhe Bardhosh Gërvalla!
