Qytetarja flet për marketin e shkatërruar nga vërshimet: Nuk na ka mbetur asgjë
Valentina Dreshaj-Elezi qytetare nga Peja që ka një market në lagjen ‘Asllan Qeshme’ në Pejë, ka rrëfyer për dëmet që i kanë shkaktuar vërshimet biznesit të saj.
Në një prononcim për KALLXO.com, ajo ka thënë se dëmet janë shumë të mëdha, për shkak se furnizimi ka qenë i madh, për shkak të festës së Bajramit.
“Dëmet janë shumë të mëdha, se siç e dijmë para Bajramit jemi furnizuar shumë, se tash është festa, por më kanë shku krejt, po e shihni edhe vetë, nuk më ka mbetë kurgjo. Dëmet janë shumë të mëdhaja, po presim tash shteti çka po bën për neve” – ka thënë ajo.
Dy persona kanë mbetur të vdekur nga vërshimet në qytetin e Pejës, të shtunën në mbrëmje. Viktimat janë një fëmijë 5 vjeçar, si dhe nëna e tij.
Fillimisht, nëna e fëmijës ishte raportuar si personi i zhdukur, përderisa pas gjetjes së saj, vdekjen e viktimës e ka konstatuar ekipi mjekësor.
Burimi i lajmit: Kallxo.com
