Protestuesit afrohen te Parlamenti i Serbisë
Kryeqyteti serb, Beogradi, është bërë epiqendra e protestave masive kundër presidentit serb, Aleksandar Vuçiqit.
Qytetarë nga e gjithë Serbia janë mbledhur për të shprehur pakënaqësinë e tyre ndaj qeverisë, duke kërkuar llogaridhënie dhe ndryshime thelbësore në politikën e vendit.
Dhjetëra mijëra protestues janë mbledhur afër Parlamentit të Serbisë të shtunën, në protestën më të madhe ndër vite, të organizuar prej studentëve që po kërkojnë përgjegjësi për vdekjen e 15 personave më 1 nëntor të vitit të shkuar nga shembja e strehës së hekurudhës në Novi-Sad.
Protestuesit po mbajnë flamuj dhe simbole të qyteteve prej nga vijnë.
Ndërkohë te pallati presidencial janë mbledhur mbështetës të presidentit Aleksandar Vuçiq. Tensionet janë të larta
Ka edhe numër të madh të forcave policore.
