Promovohet monografia “Karaçeva e Epërme” e autorit Nijazi Kastrati
Botohet monografaia “Karaqeva e Epërme” e autorit Njazi Kastrati – vë theksin te rëndësia e kujdesit ndaj kulturës e identitetit lokal.
Në Karaqevë të Komunës së Dardanës është bërë përurimi i monogrfisë “Karaçeva e Epërme”, e autorit Njazi Kastrati, e cila u vlerësua një vepër me vlerë të shtuar për fshatin Karaçevë e Epërme.
Një fjalë rasti ka mbajur në hapje të ceremonisë, kreu i Komunës së Kamenicës, Kadri Rahimaj, i cili ka vënë theksin në rëndësinë e kujdesit ndaj kulturës dhe identitetit lokal. Përshëndetja e tij ka qenë një moment thelbësor në ngjarje, duke sjellë një mesazh mbështetës për veprat që ia shtojnë vlerën gjithë komunës dhe si një shembull për nisma tjera të ngjashme.
E një fjalë rasti në këtë përurim mbajti dhe redaktori, Nexhat Rexha, i cili sic u mësua më tej, ka qenë tejet i përkushtuar që kjo monografi të shoh dritën e botimit sa më e përsosur në formë e përmbajtje, për c’gjë kontributi i tij është vlerësuar lart.
Recensenti i librit z. Xhevdet Kallaba, ka paraqitur një vështrim kritik për librin monografik, duke vënë theksin te cilësia dhe rëndësia e monografisë për studime të mëtejme.
Fjalë rasti në këtë përurim ka mbajtur edhe kryetari i shoqatës “Firishta”, z. Bari Kastrati, ndërsa ceremonia përuruese më tej është pasuar me një debat nga të pranishmit rreth rëndësisë së ruajtjes së historisë lokale dhe trashëgimisë.
Shoqata “Firishta” ka luajtur një rol jetik në mbledhjen e fondeve dhe mbështetjen e publikimit të kësaj monografie, një dëshmi e veçantë e angazhimit të saj për t’i shërbyer komunitetit.
E një rëndësie të veçantë ishte edhe fjala e biznesmenit Ilir Kastrati, i cili ka theksuar rolin e investimit në kulturë, por edhe në zhvillimin e përgjithshëm ekonomik dhe social të një rajoni.
Në fund, sic e do tradita, fjalë rasti mbajti autori i librit, Nijazi Kastrati, i cili emocionoi të pranishmit prezentë, duke rrëfyer udhëtimin e kërkimit dhe hartimit të monografisë, ndërsa shprehu mirënjohjen e thellë ndaj atyre që mundësuan botimin.
Autori njëkohësisht shprehu mirënjohjen e tij për punën e përkushtuar të Këshillit Redaktues të cilin e falënderoi, duke vënë theksin te kontributi i prof. Shefik Kastratit, të cilin kontribut e vlerësoi të rëndësisë posacme e të vecantë deri te finalizimi i botimit.
Në moderim adekuat nga Viola Kastrati, si dhe performancën e nxënëses Dua Rrudhani në piano, ceremonia e përurimit të monografisë plotësoi mozaikun promovues me elementet përkatëse që e bëjnë një ngjarje të këtij lloji kuptimlote, ndërsa u mbyllë për t’u pasuar me një drekë solemne tradicionale për mysafirët.
