Profile figurash të njohura arsimore nga qyteti i Gjilanit/Nezir M. Beqiri, profesor…
Përnjëmend disa njerëz i jepin jetës, kohës e vendit edhe kuptim edhe vlera.
Disa njerëz ecin në hap me kohën, ata janë përtej misionit të tyre në mësimdhënie, janë pishtarë, fanarë drite, që dritësojnë aty ku shkojnë, që përhapin dritën e dijës te brezi e ri e mbjellin edukatë e kulturë gjithkund ku janë.
Shkruan: Nexhat Buzuku
Një edukator i kompletuar, shembull në klasë, në shkollë e në mjedisin shoqëror, është padyshim profesor Nezir M. Beqiri, mësimdhënës i Edukimit qytetar në SHFMU “Rexhep Elmazi” në Gjilan.
Ky njeri u dallua atje ku ishte, aty ku punoi, aty ku u gjend.
E kam lexuar se sa me shpirt të sinqert e me mendje të kulluar i qaset punës në profesionin e edukimit e arsimimit.
E kam lexuar se sa përkushtues e i lumtur ndjehet kur prezanton sukseset e nxënësve e të kolektivit të shkollës ku punon.
E kam lexuar në shkrimet e tij se si evokon të kaluarën e tij fëmijërore e djaloshare në mënyrë plotësisht origjinale, ashtu siç ështē jeta dhe ritmi saj.
E kam lexuar se sa bukur kujton prindërit në ndikimin që patën dhe kujdesin që treguan nē formimin dhe edukimin e tij në moshë të re, etj, etj.
Profesor Neziri shquhet si njeri i urtë, me edukatë e kulturë të jashtëzakonshme.
Njerëzit, edukatorë e arsimuesit sikur profesor Neziri janë vlerë për sistemin arsimor e shoqëror.
Ky njeri i mrekullueshëm po i jep frymë kohës sonë, ky njeri model po lë gjurmë në udhën e dijës te brezi ri.
Suksese e qofsh faqebardhë në çdo hap të jetës, profesor Nezir!
P.s. – Të urtët në filozofinë helene janë quajtur njerëz të ngritur me arsimim, dituri e kulturë, pra njerëzit më të dalluar në mesin e të dalluarve.
***
“E mira më e madhe është dituria, e keqja më e madhe është padituria.” – Sokrati.
***
Prandaj, njerëzit që edukojnë janë dielli u kombit e i shoqërisë.
