Procesi i numërimit të votave për deputetë po vazhdon ende
KQZ, përmes një njoftimi ka bërë të ditur se nga procesi i numërimit të votave të kandidatëve për deputetë, deri dje në orën 16:00, janë numëruar 46.19% e vendvotimeve apo 1,170 nga 2,533 gjithësej .
Nga KQZ-ja është bërë e ditur edhe se numërimi i votave ka përfunduar në 9 qendra komunale.
Aktualisht procesi i numërimit është duke vazhduar në 26 komuna.
Njoftimi:
Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 15 shkurt 2025, ora 16:00, janë numëruar 46.19% e vendvotimeve apo 1,170 nga 2,533.
Procesi i numërimit të votave ka përfunduar në 9 Qendrat Komunale të Numërimit (QKN) në komunat: Novobërdë, Obiliq, Shtërpcë, Junik, Hani i Elezit, Ranillug, Partesh, Kllokot dhe Mitrovicë e Veriut.
Më 15 shkurt, në orë 16:00, ka filluar procesi i numërimit edhe në QKN-në e komunës së Mamushës.
Në përgithësi, procesi i numërimit është duke vazhduar në 26 Qendra Komunale të Numërimit.
