Prishtinë/Kamenicë: Policia parandalon kontrabandimin e preparateve të kontrabanduara medicinale në Berivojcë të Kamenicës
Policia e Kosovës, rreth orës 17:00 ka ndaluar një makinë në fshatin Berivojcë të Komunës së Kamenicës, në të cilën ka gjetur një sasi mjetesh medicinale.
Lajmi është bërë i ditur në faqen e Policisë së Kosovës ku theksohet se pas një aksioni të ndalimit të një veture, është gjetur dhe sekuestruar një sasi e konsiderueshme preparatesh medicionale.
Pas intervenimit të prokurorit të autorizuar të rastit, pajisjet medicinale janë dorëzuar në Pikën Doganore “Dheu i Bardhë”.
NJOFTIMI I PLOTË:
Parandalohet një rast i kontrabandës
Prishtinë, më 10 shtator 2025
Zyrtarë policorë të të SPMK–Muqivercë në bashkëpunim me njësitet e SP–Kamenicë, rreth orës 17:00, pas një organizimi taktik, kanë arritur të parandalojnë një tentativë për kontrabandë.
Në fshatin Berivojcë- Kamenicë, është ndaluar një veturë me targa vendore, me drejtues një mashkull kosovar.
Gjatë kontrollit të automjetit, në të është zbuluar një sasi e konsiderueshme materialesh medicinale dhe dentare, për të cilat i dyshuari nuk posedonte dokumentacion përkatës.
Është njoftuar prokurori kujdestar, i cili ka urdhëruar inicimin e rastit dhe dorëzimin e mallit në Doganën e Dheut të Bardhë.
