Portrete talentësh shqiptarë në Zvicër! – Enis Asani nga Gjilani, pjesë e FC Thun deri në vitin 2026

Futbollisti Enis Asani nga Gjilani, që ka jetuar në Zvicër nga fëmij♪7ria, është bërë pjesë e ekipit të parë të FC Thun.

Kontrata e profesionistit të ri Enis Asani nga Gjilani, me origjinë nga Breznica e komunës së Bujanocit, është zgjatur me automatizëm deri në vitin 2026, falë performancave të dëshmuara solide dhe talentit që posedon, plus një opsion për një vit të mëtejmë, shkruan faqja zyrtare e FC Thun.

Mesfushori 19-vjeçar pritet të bashkohet së shpejti me ekipin e parë dhe shihet si një shembulll tipik i përfaqësimit të punës së mirë të klubit që ka bërë ndër vite me grupëmosha, si dhe strategjinë e qëndrueshme për të mbështetur talentët e rinj.

Asani është integruar në stërvitjet e ekipit të parë që nga kjo verë, duke realizuar gjithësej pesë paraqitje në kupë dhe ligë, njofton më tej faqja zyrtare e klubit, duke saktësuar se ai është një nga tre lojtarët ekipit përfaqësues të kësaj skuadre që bënë pjesë në një kombëtare U21, së bashku me Valmir Matoshin dhe Daniel dos Santos. Kjo pasi dy javë më parë ai luajti për herë të parë për ekipin e grupëmoshave U21 të Shqipërisë.

“Më pëlqen të punoj me lojtarë të rinj, prandaj jam i kënaqur që mund të zhvilloj një tjetër lojtar të talentuar, siç është Enisi”, thotë Mauro Lustrinelli për kontratën me mesfushorin mbrojtës.

Për fat të keq, Enis Asani pësoi një lëndim në gju gjatë ndeshjes së kupës kundër Lucernit dhe për këtë arsye nuk do të jetë në dispozicion të trajnerit Mauro Lustrinelli për disa javë.

Enisit i urojmë shërim të shpejtë dhe mezi presim ta shohim në fushën e blertë, përfundon shkrimi në faqen e FC Thun, kushtuar talentit Enis Asani.