Policia aktivizohet për ta hetuar për kanosje qytetarin që e quajti hajne Fitore Pacollin, pasi e intervistoi e la të lirë
Policia e Kosovës ka konfirmuar se ka nisur një hetim penal për veprën “Kanosje” ndaj qytetarit i cili u përfshi në një përplasje verbale me deputeten e Lëvizjes Vetëvendosje, Fitore Pacolli, në një lokal në Prishtinë.
Policia e Kosovës në rajonin e Prishtinës e ka konfirmuar për Gazetën Online Reporteri.net se se i dyshuari është ftuar për intervistim dhe, me rekomandim të prokurorit të shtetit, ndaj tij është iniciuar procedurë hetimore për këtë vepër. Pas procedurës fillestare, ai është lënë i lirë në procedurë të rregullt.
“Referuar këtij rasti, i dyshuari është ftuar për intervistim nga ana e Policisë dhe me rekomandimin e prokurorit të Shtetit ndaj tij është iniciuar një hetim në drejtim të veprës penale “Kanosja”.
I njëjti është më pas është proceduar i lirë.”, ka thënë zëdhënësi i Policisë së Kosovës për Rajonin e Prishtinës, Agron Borovci.
