Përpjekja finale për konstituim, ambasadorët e huaj arrijnë në Kuvend
Në përpjekjen e 52-të dhe të fundit për konstituimin e Kuvendit të Kosovës para skadimit të afatit kushtetues, ambasadorë të vendeve të huaja në Kosovë, do të jenë të pranishëm.
Në Kuvend tashmë ka arritur, e Ngarkuara me Punë në Ambasadën e SHBA-së në Kosovë, Anu Prattipati, ambasadori britanik, Jonathan Hargreaves, ai francez, Olivier Guerot, ambasadori gjerman Jorn Rohde, e të tjerë, shkruan gazeta online Reporteri.net.
Në seancën e paraparë për në ora 11:00, deputetët do të mblidhen për të 52-tën herë në sallën e Kuvendit në përpjekje për konstituimin e këtij institucioni. Do të jetë seanca e fundit para skadimit të afatit kushtetues.
